ACTIVIDADE VOLUNTARIA: «A GUERRA CIVIL ESPAÑOLA A TRAVÉS DA ARTE»

Podes aproveitar este orixinal traballo para ver, dende o punto de vista da Arte da época, como se recolleron e reflictiron moitos dos feitos relacionados coa guerra española.

Artistas como Picasso, Dalí, Miró, Castelao ou Seoane, foron testemuña da traxedia vivida polo noso país ao longo do conflito.

Con esa finalidade, debes traballar estes puntos:

-Indicar se coñecías ou non a obra correspondente.

–Valoralas persoalmente nunha escala de 1 a 10, explicando dita clasificación. Indica cales che gustaron ou impactaron máis e as razóns do teu argumento.

-Comentar, en cada apartado, a importancia e trazos básicos de cada autor (biografía, estilo, tendencias, innovacións, outras obras coñecidas…)

-Analizar persoalmente cada unha das obras seleccionadas, en función, sobre todo, da temática concreta relacionada coa Guerra Civil que se plasma en aquelas.

-Para completar a tarefa, sería interesante que engadiras outras obras (sobre todo, pinturas), relacionadas co tema e distintas ás recollidas neste traballo.

En todo caso, debes seguir estas pautas obrigatorias:

–Deberás explicar, en primeiro lugar, por que escolliches esta tarefa voluntaria e cal é o teu interese por este tipo de traballos relacionados coa Historia.

-Podes entregar o traballo escrito a man ou cun procesador de textos.

-O traballo debe constar dunha portada orixinal, as cuestións deben estar numeradas ou ordeadas (coas respostas axeitadas), incluír material gráfico (imaxes, mapas, ilustracións…) e, no caso de usar información adicional, as fontes (páxinas de internet, enciclopedias, vídeos…) utilizados para confeccionar a tarefa.

-Unha vez finalizados, podes entregalos ao profesor (en carpetiña, grampados, cunha funda ou soporte, etc) ou envialos por correo electrónico (só en formato PDF e evitar os ODT).

Non esquezas enviar os teus comentarios a: afachadoestevez@gmail.com